News
Լրահոս
News
Ուրբաթ
Մարտ 29
Տեսնել լրահոսը

Մեծանուն դերասան, ՀԽՍՀ եւ ԽՍՀՄ ժողովրդական արտիստ, պետական մրցանակների դափնեկիր, Երեւանի պատվավոր քաղաքացի Խորեն Աբրահամյանի ծննդյան 85-ամյակի կապակցությամբ Կոմիտասի անվան պանթեոն են այցելել նրա հարզատներն ու ընկերները, թատերական գործիչներ, ուսանողներ, դպրոցականներ, Աբրահամյանի արվեստի սիրահարներ: Պանթեոն է այցելել եւ Երեւանի քաղաքապետի անունից դերասանի շիրիմին ծաղկեպսակ դրել քաղաքապետի տեղակալ Արամ Սուքիասյանը:

Ամեն տարի ապրիլի 1-ին վարպետի շիրիմին այցի են գալիս նաեւ Գայի անվան թիվ 129 դպրոցի աշակերտները, ուր, ի դեպ, տասնհինգ տարի առաջ այս օրերին իր հոբելյանին նվիրված միջոցառմանը մասնակցելու նպատակով հյուրընկալվել էր Խորեն Աբրահամյանը: Դպրոցականները ներկայացրել են կինոյի եւ թատրոնի մեծ վարպետի կյանքի առավել ուշագրավ դրվագներ,  նրա խոսքերն ու պատգամները:

Վարպետի մասին իրենց հուշերն են պատմել թատերարվեստի գործիչները, ովքեր ժամանակին ճանաչել եւ շփվել են նրա հետ:

«Այն ամենի համար, ինչ մի ամբողջ սերունդ ստացել է նրա բեմական կերպարներից ու առերես շփումից, պետք է ամենքս շնորհակալ լինենք: Խորեն Աբրահամյանը հայ թատրոնի, միաժամանակ միջազգային մասշտաբի թատերարվեստի գործիչ էր ու բացարձակ արժեք»,- նշել է Արամ Սուքիասյանը:

!
Այս նյութը հասանելի է նաև   Русский
Տպել
Ամենաշատ