«Գազպրոմ Արմենիան» պլանավորում է գազամատակարարման ոլորտում կորուստները կրճատել՝ 4 տոկոսից հասցնելով 2-ի։ Այս մասին ապրիլի 1-ին լրագրողներին հայտնել է «Գազպրոմ Արմենիա» ՓԲԸ գլխավոր տնօրենի տեղակալ, գլխավոր ինժեներ Հրանտ Թադեւոսյանը։
Ըստ նրա՝ համակարգում փոքր կորուստներն անխուսափելի են, ընդ որում դրանք կախված են խողովակի տրամագծից եւ երկարությունից եւ ոչ թե գազի մատակարարման ծավալներից։ Հետեւաբար, որքան այն մեծ է, այնքան կորուստները տոկոսային հարաբերությամբ քիչ են թվում։ «Սակայն մենք, ինչպես դուք գիտեք, գազային տրանզիտ չունենք, ուստի համակարգում ծավալը հարաբերականորեն փոքր է։ Այդ պատճառով էլ տոկոսային հարաբերությամբ կորուստները մեծ են թվում։ Դրա փոխարեն, թող նշեն այլ երկիր, որտեղ գազը 100 տոկոսով հաշվարկվում է, իսկ գազի վճարները 100 տոկոսով հավաքվում են»,- հավելել է Թադեւոսյանը։
«Գազպրոմ Հայաստանը» («Գազպրոմ» ԲԲԸ դուստր ձեռնարկություն) Հայաստանի գազամատակարարման համակարգի օպերատորն է։
