ԱՄՆ Ֆրեզնո շրջանի ներկայացուցիչ Անդրեաս Բորգեասը դիտորդի կարգավիճակով կժամանի Ղարաբաղ՝ ներկա գտնվելու ԼՂՀ խորհրդարանական ընտրություններին։

Բորգեսաը Ղարաբաղում կլինի ապրիլի 25-ից մայիսի 5-ը։ Նրանից բացի եւս 2 մարդ ԱՄՆ-ից կժամանի Ղարաբաղ՝ հետեւելու ընտրություններին, գրում է fresnobee.com-ը։

Կայքի տեղեկություններով՝ ընտրություններին կհետեւեն նաեւ այլ երկրների ներկայացուցիչներ՝ Մեքսիկայից, Արգենտինայից եւ Կանադայից։

Բորգեասի խոսքով՝ իր այցը Ղարաբաղ հպարտության առարկա է տեղի հայերի համար։ Նրա կինը հայուհի է, որի տատիկը Ցեղասպանություն վերապրած հայերից է։

«Ես անձամբ կարծում եմ, որ Ֆրեզնոյի հայերը կհպարտանան, որ նրանք դիտորդ ունեն այդ կարեւոր ընտրություններում, որոնք պաշտպանում են Լեռնային Ղարաբաղի ինքնիշխան եւ ազատ պետությունը»,- հայտարարել է Բորգեասը։

Հիշեցնենք, որ Անդրեաս Բորգեասը Լեռնային Ղարաբաղի Հանրապետության ճանաչման մասին բանաձեւի հեղինակն էր։