Մարտի 18-ին, 21-ին, 25-ին եւ 27-ին Երեւանում Ճանապարհային ոստիկանության կողմից իրականացվել է հատուկ միջոցառում, որի շրջանակներում հայտնաբերվել եւ հատուկ պահպանման տարածք է տեղափոխվել 260 տրանսպորտային միջոց: Այս մասին հաղորդում է ոստիկանությունը:
«Մեքենաներից 26-ը հատուկ պահպանման տարածք է տեղափոխվել փոխարինված հաշվառման համարանիշերով վարելու համար, 156-ը՝ ոչ սթափ վիճակում վարելու համար, 24 տրանսպորտային միջոց ՀՀ արդարադատության նախարարության ԴԱՀԿ ծառայության կողմից հետախուզման մեջ գտնվելու համար, 15-ը՝ անընթեռնելի հաշվառման համարանիշերով վարելու համար, 6-ը՝ հետախուզման մեջ գտնվելու համար, 31-ը՝ վարորդների կողմից թերի փաստաթղթերով վարելու համար, 2-ը՝ հատուկ ձայնային ազդանշաններով կահավորված լինելու համար»,-ասվում է ոստիկանության տարածած հաղորդագրության մեջ:
