Սանկտ Պետերբուրգում կայացած «Ավտոմեքենայի աշխարհ» ցուցահանդեսի ժամանակ «ԱվտոՎԱԶ»-ը պաշտոնապես ներկայացրել է Lada ավտոմեքենաների նոր տարբերանշանը: Այն ավելի խոշոր է, իսկ պատկերը՝ ավելի ծավալուն:
Բացի այդ, շնորհանդեսի շրջանակում «ԱվտոՎԱԶ»-ի նախագահ Բու Անդերսոնը տեղեկացրել է, որ Lada Vesta սեդանի սերիական արտադրությունը կսկսվի սեպտեմբերի 25-ից, իսկ XRay-ինը՝ դեկտեմբերի 15-ից:
Ըստ Motor-ի, Vesta-ի փորձնական թողարկումն Իժեւսկում արդեն պատրաստվում է:
Ավելի վաղ հաղորդվում էր, որ 2015 թվականին «ԱվտոՎԱԶ»-ը պատրաստվում է արդիականացնել չորս մոդելներ՝ Granta-ն, Kalina-ն, Largus-ը եւ 4х4-ը: Արդյո՞ք դրանք նոր տարբերանշաններ կունենան, առայժմ հայտնի չէ: