«168 ժամ»-ը զրուցել է ՀՀ նախկին վարչապետ, ԱԺ պատգամավոր Հրանտ Բագրատյանի հետ:

Պարոն Բագրատյան, շատերը կանխատեսում են, որ մինչեւ ապրիլի 24-ը, Ցեղասպանության զոհերի հիշատակով պայմանավորված, համեմատաբար հանդարտություն կպահպանվի, բայց հետո պայթյուն կլինի՝ թե' տնտեսական, թե' քաղաքական առումով: Համամի՞տ եք, թե ոչ, ի՞նչ եք սպասում Դուք:

Դա խնդրի մակերեիսային կողմն է: Մենք ունենք հսկայական անդունդ վճարման հաշվեկշռում: Դրամը, փոխանակ արժեզրկվի, օրերս նույնիսկ արժեւորվում է: Ինչո՞ւ: Որովհետեւ իրանցիները եկել են: Լավ, բայց նման դեպքում՝ ԿԲ-ն պետք է դոլար գնի ու մի 50 մլն-ով պահուստներն ավելացնի: Այսօր արդեն պահուստները 1,2 մլրդ են: Ասում եք՝ կանխատեսում են, որ ապրիլի 24-ից հետո կպայթի: Ոչ, վաղը կարող է Չինաստանիը 1 մլրդ տա, դա էլ կնստենք-կուտենք: Կամ կարող է ԱՄՆ-ը լրացուցիչ 1 մլրդ տա, կամ ՌԴ-ն: Այսինքն՝ ես այն մարդը չեմ, որ ասեմ՝ ապրիլի 24-ից հետո կպայթի: Եթե չի պայթում, կայուն է մնում, պարտքի հաշվին,մեր երկրի վարկունակությունն է իջնում: Այնպես որ, դեռեւս շանս կա պայթյունը «փոխարինել» ճահճով:

Ավելի սարսափելին ուրիշ բան է. երկիրը չի աշխատում: Իսկ ավելի լավ չէ՞ պայթի, բայց սկսենք աշխատել: Երկու դեպքում՝ էլ՝ կամ կպայթի, կամ չի պայթի, բայց պարտք կվերցնենք, երկիրը գահավիճում է: Ամենայն պատասխանատվությամբ հայտարարում եմ՝ մենք այսօր ունենք 44 տոկոս աղքատություն, 21-22 տոկոս գործազրկություն:

Ի՞նչ անել:

ԿԲ նախագահին պետք է հանել՝ իր ամբողջ խորհրդով, նոր մարդկանց բերել, որ այս վիճակը լուծեն: Դրա համար պետք է արժեզրկել դրամը՝ ռուբլու, առավել եւս՝ դոլարի նկատմամբ: Պլանավորված արժեզրկել, որպեսզի տնտեսությունը շնչի»:

Առավել մանրամասն՝ թերթի այսօրվա համարում