Հայաստանի ՏԿԱԻՆ-ում, այսօր՝ ապրիլի 2-ին, ժամը 03.29-ին ահազանգ է ստացվել, որ հրդեհ է բռնկվել Երեւանի Սեբաստիա փողոցի տներից մեկում:
Դեպքի վայր է մեկնել չորս մարտական հաշվարկ, ՃԿԱԿ ԱԻ արձագանքման եւ օպերատիվ խմբերը:
Պարզվել է, որ հրդեհը բռնկվել է Սեբաստիա փողոցում գտնվող «Ոսկե աքաղաղ» թոնրատանը:
Հրդեհը մեկուսացվել է ժամը 04.02-ին, մարվել՝ 04.17-ին: Այրվել է թոնրատան տանիքը` 100 քմ, կից պահեստային հատվածը (փայտե շինություն)` 30 քմ եւ Ս. Կ.-ին պատկանող տան օժանդակ շինության տանիքը` 10 քմ: