ԱՄՆ-ի Թեքսաս նահանգի Ֆորթ Ուերթ քաղաքում 46-ամյա Թերրի Մարտինը կրակել է իր ընկերուհու վրա, ում հետ չի ցանկացել կիսել վիճակախաղով շահած 500 դոլարը, գրում է New York Daily News-ը:
Տղամարդը 500 դոլար է շահել` գնելով ակնթարթային վիճակահանության տոմս: Նրա ընկերուհին` 48-ամյա Լորիս Հեթմոնը, ցանկացել է ստանալ այդ գումարի կեսը: Զույգի միջեւ վիճաբանություն է սկսվել, ինչի ընթացքում տղամարդը հանել է ատրճանակը, կրակել ընկերուհու վրա, ապա` ինքնասպան եղել, փոխանցում է Gazeta-ն: Վիրավորված կինը հասցրել է 911 զանգահարել, սակայն մահացել է մինչ շտապ օգնության հասնելը:
Նշվում է, որ Մարտինն ու Հեթմոնն իրար մանկուց են ճանաչել եւ միասին են ապրել վերջին մի քանի տարիներին:
