Ամերիկյան Թալսա քաղաքի (Օքլահոմայի նահանգ) ոստիկանությունը տներից մեկում հայտնաբերել է ընտանիքի 4 անդամների մարմինները՝ հրազենային վնասվածքներով, հաղորդում է Seattle Pi-ն: Ենթադրաբար, դրանք եղել են հայրը, մայրը եւ նրանց 5 ու 8 տարեկան որդիները:
Ամուսնական զույգին սկսել են փնտրել այն բանից հետո, երբ նրանք չեն գնացել աշխատանքի: Նրանց տան հասցեով ոստիկաններ են գնացել, որոնք հայտնաբերել են սպանվածների մարմինները, հաղորդում է Gazeta-ն:
Նախնական տվյալներով՝ ընտանիքի հայրը սպանել է տան անդամներին, ապա ինքնասպան եղել: Ոստիկանությունում նշել են, որ հանցագործության հետ կապված կասկածյալների չեն որոնում: