Ամերիկացի կոնգրեսական Ադամ Շիֆը Կոնգրեսում մի ամբողջ ժամ կկարդա Հայոց ցեղասպանության ժամանակ զոհված հայերի անունները:
Կոնգրեսականը դիմել է Հայոց ցեղասպանության զոհերի սերունդներին՝ խնդրելով իրեն ուղարկել Ցեղասպանության ժամանակ զոհ գնացած իրենց ընտանիքի անդամների անունները:
«Մեկ ժամ շարունակ ես կկարդամ Հայոց ցեղասպանությանը զոհ գնացած ոչ մեծ խումբ մարդկանց անունները: Ավելի քան 1,5 մլն մարդու անուն կարդալու համար կպահանջվեն շատ շաբաթներ, եւ ես հույս ունեմ, որ զոհերի անունների ընթերցումը կօգնի ուշադրություն հրավիրել հանցագործության չափերի վրա:
Անունները, ի տարբերություն թվերի, այդքան վերացական չեն: Նրանցից յուրաքանչյուրը մեկի որդին էր կամ դուստրը, մայրը կամ հայրը, պապը կամ տատը, հորեղբայրը կամ մորաքույրը: Նրանցից յուրաքանչյուրը թանկարժեք կյանք էր»,-հայտարարել է Շիֆը: