Ամերիկյան Hennessey թյունինգային կենտրոնը մանրամասներ է ներկայացրել թողարկման պատրաստվող Cadillac CTS-V սեդանի վերամշակումների մասին: Ընկերությունում խոստանում են, որ կատարելագործման արդյունքում մեքենան «աշխարհի ամենաարագ չորսդռնանին կդառնա»: Արդեն հայտնի է, որ 6.2 լիտր հզորությամբ շարժիչը 640-ից կհասցնեն 1000 ձիաուժի:
Ըստ Motor-ի, CTS-V-ի՝ ոչ այդքան հզոր տարբերակ ցանկացող հաճախորդներին կենտրոնը պատրաստ է առաջարկել այլ՝ ավելի թույլ տարբերակ, 750-800 ձիաուժ հզորությամբ:
Ընկերության հիմնադիր Ջոն Հենեսին հույս ունի, որ Hennessey HPE1000 Twin Turbo CTS-V-ն կկարողանա 386 կմ/ժ արագություն զարգացնել: Hennessey սեդանը թողարկվելու է 24 օրինակով: Առայժմ հայտնի չէ, թե երբ մեքենան վաճառքի կհանվի: