Շանհայի մոտոշոուում MINI ընկերությունը ներկայացնելու է լրացուցիչ իրականության ակնոցներ։ Դրանք կարող են վարորդի տեսադաշտ բերել տեղեկատվությունը, օրինակ, շարժման արագությանկամ ճանապարհի կոնկրետ հատվածներում երթեւեկության սահմանափակումների մասին, նաեւ տեղեկացնել նավիգացիոն համակարգի մասին։ Առայժ դա միայն կոնցեպտ է, որը, մշակողների խոսքով, նպատակ ունի ցույց տալ, թե ինչ կարելի է արտադրել հենց հիմա եւ ինչ կարելի է ակնկալել ապագայում, հաղորդում է Motor-ը։
«Աշխատելով Qualcomm խմբի մի քանի ընկերությունների հետ՝ մենք MINI-ի դիզայնին բնորոշ ակնոցներ թողարկեցինք։ Նախատիպն ունի ինտերակտիվ, կարգաբերվող ինտերֆեյս եւ գործառույթներ, որոնք արվել են՝ հաշվ առնելով բրիտանական ապրանքանիշին եւ կենսակերպին բնորոշ կերպով»,- ասել է ախագծի ղեկավար Յորգ Փրայսինգերը։