ԱՄՆ պետքարտուղար Ջոն Քերին կոչ է արել ամերիկյան կոնգրեսին չխանգարել Իրանի հետ միջուկային ծրագրի շուրջ վերջնական համաձայնության կնքմանը։ CBS հեռուստաալիքին տված հարցազրույցում Քերին կոչ է արել օրենսդիրներին զսպել իրենց, քանի դեռ պայմանագիրը չի կքնվել։
«Ներկայիս գործարքը դեռ չի ավարտվել։ Սա նախնական պայմանավորվածություն է»,- ասել է պետքարտուղարը, հաղորդում է «ՌԻԱ Նովոստին»։
Իսկ ABC-ին տված հարցազրույցում Քերին ասել է, թե ապրիլի 13-ին մտադիր է Իրանի թեման քննարկել ԱՄՆ Կոնգրեսի Ներկայացուցիչների պալատի, ապրիլի 14-ին՝ Սենատի հետ, քանի որ Իրանի հետ բանակցություններում «որոշ չլուծված խնդիրներ կան»։
