Նավթի համաշխարհային գներն աճում են ԱՄՆ-ում հորատման սարքերի կրճատման ֆոնին: Այդ մասին են վկայում տորգերի արդյունքները:
Brent տեսակի նավթի մայիսյան ֆյուղերչների արժեքը բարձրացել է 0,05 տոկոսով՝ հասնելով 57,87 դոլարի՝ մեկ բարելի դիմաց:
WTI տեսակի նավթի մայիսյան ֆյուղերչների արժեքը բարձրացել է 0,17 տոկոսով՝ հասնելով 51,72 դոլարի՝ մեկ բարելի դիմաց, հաղորդում է «ՌԻԱ նովոստին»:
Ամերիկյան Baker Hughes նավթագազային ընկերության տվյալներով, նավթի հորատման սարքերի թիվը կրկին կրճատվել է: Ընկերությունը հայտարարել է, որ մեկ շաբաթում այդ ցուցանիշը նվազել է 42 միավորով կամ 5,2 տոկոսով՝ հասնելով 760 միավորի: Տարեկան կտրվածքով այդ ցուցանիշը նվազել է 49,9 տոկոսով:
