Երկօրյա պաշտոնական այցով Ղազախստանի հանրապետությունում գտնվող ՀՀ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը Աստանայում տեղի ունեցող ԵՏՄ անդամ պետությունների մրցակցային մարմինների ղեկավարների հանդիպման ժամանակ ՌԴ մրցակցային մարմնի ղեկավար Իգոր Արտեմեւի հետ քննարկել է վերջերս «Հարավկովկասյան երկաթուղի» ընկերությունում կատարված ուսումնասիրության արդյունքները:
ՏՄՊՊՀ-ից հայտնում են, որ Արտակ Շաբոյանը գործընկերոջը տեղեկացրել է, որ ՏՄՊՊՀ-ի կողմից կատարվող ուսումնասիրությունները շարունակվում են՝ ընկերության ներդրումների արդյունավետությունը պարզելու նպատակով, քանի որ կատարվող ներդրումներին զուգահեռ ավելանում է նաեւ «Հարավկովկասյան երկաթուղի» ընկերության վնասը, այսօր այն կազմում է արդեն 9,3 միլիարդ դրամ: Ի. Արտեմեւը հայտնել է իր պատրաստակամությունը՝ վարույթի ընթացքի վերաբերյալ տեղեկատվական նյութերի տրամադրման եւ ուսումնասիրության ընթացքին աջակցելու առումով:
