ԲՀԿ խմբակցության պատգամավորներն, այսօր՝ ապրիլի 14-ին, հանդիպել են փոքր եւ միջին ձեռնարկությունների մի շարք ներկայացուցիչների հետ:
ԲՀԿ մամուլի ծառայությունից հայտնում են, որ ՓՄՁ ներկայացուցիչները դիմել էին ԲՀԿ խմբակցությանը` ապրանքների դրոշմապիտակավորման գործընթացում առաջացած մի շարք վարչարարական խնդիրների հետ կապված: ՓՄՁ ներկայացուցիչների բարձրացրած խնդիրներն առնչվում են փոքր եւ միջին ձեռնարկատիրությամբ զբաղվող մեծաթիվ սուբյեկտների շրջանակի:
Ստեղծված իրավիճակը լրջորեն խաթարում է ՓՄՁ-ների բնականոն գործունեությունը: Քննարկման արդյունքում որոշվեց խնդիրն ուղղել պատկան մարմիններին` միաժամանակ առաջարկելով ստեղծված իրավիճակի լուծման ուղիներ:
ԲՀԿ-ն ՓՄՁ ներկայացուցիչներին վստահեցրեց, որ շարունակելու է հետեւողական լինել ՓՄՁ ոլորտին առնչվող խնդիրների լուծման հարցում: