Ամերիկայի Հայ Դատի (ANCA) գրասենյակի գործադիր տնօրեն Արամ Համբարյանը կրկին բարձրաձայնել է ԱՄՆ նախագահ Բարաք Օբամային ուղղված ամերիկահայերի կոչը՝ 100-րդ տարելիցի առիթով ճանաչել Հայոց ցեղասպանությունը: Այս մասին գրում է Asbarez-ը:
«Հայոց ցեղասպանության մասին Հռոմի Պապի պատմական քարոզը հող նախապատրաստեց, որպեսզի նախագահ Օբաման կատարի խոստումը եւ ճանաչի այդ սարսափելի հանցագործությունը»,- հայտարարել է Համբարյանը:
Նրա խոսքով, բացահայտորեն մերժելով «բերանը փակելու» Թուրքիայի քաղաքականությունը՝ Օբաման այդպիսով վերջ կդնի Անկարայի ջանքերով ճշմարտության ժխտման ամոթալի դարաշրջանին: Այդ դեպքում, ըստ Համբարյանի, ԱՄՆ-ն կրկին կկանգնի ճշմարտության կողքին, միաժամանակ առաջ տանելով «անցյալի ճանաչման վրա հիմնված հայ-թուրքական հարաբերությունների լավագույն ապագայի ամրապնդմանն» ուղղված ամերիկյան տարածաշրջանային շահերը:
