Twitter սոցիալական ցանցի պաշտոնական ներկայացուցիչները հաղորդել են, որ ընկերությունն այսուհետ ինքնուրույն է վերլուծելու օգտատերերի տվյալները:
Սոցցանցի ներկայացուցիչները հայտնել են, որ իրենք այլեւս տվյալները չեն վաճառելու ընկերություններին, որոնք հետո վերավաճառում են դրանք:
Այսպիսով, Twitter-ը դադարելու է համագործակցել այնպիսի ընկերությունների հետ, ինչպիսիք են DataSift-ը եւ NTT-ն: Ըստ The New York Times-ի, դա խոսում է այն մասին, որ սոցիալական ցանցը հրաժարվում է տվյալների մեծածախ վաճառքից, այլ ծրագրում է այն վաճառել մանրածախ:
Բացի այդ, փորձագետները կարծում են, որ հայտնի սոցցանցի այս գործողությունները ցույց են տալիս, որ հիմա Twitter-ը կկարողանա մրցակցել տվյալների վերավաճառքով զբաղվող ընկերությունների հետ:
