Հայոց ցեղասպանության մասին Հռոմի Պապի հայտարարությունից հետո թուրքական իշխանությունների հայտարարություններին է միացել Թուրքիայի նախագահ Ռեջեփ Թայիփ Էրդողանը։

Թուրքական Haberler-ի փոխանցմամբ՝ Թուրքիայի նախագահ Ռեջեփ Թայիփ Էրդողանը Թուրքիայի արտահանողների հետ հանդիպմանը հայտարարել է, թե չէր կարող չանդրադառնալ Հռոմի Պապի հայտարարության հետ կապված թեմային՝ ինքը Հռոմի Պապին այլ գործիչ էր պատկերացնում։

Էրդողանը հույս է հայտնել, որ Հռոմի Պապնա այլեւս նման «սխալի» մեջ չի ընկնի՝ նշելով, թե քննադատում եւ զգուշացնում է Պապին։

Նշենք, որ ապրիլի 12-ին Վատիկանի Սուրբ Պետրոս եկեղեցում Հայոց ցեղասպանության զոհերի հիշատակին նվիրված պատարագի ժամանակ Հռոմի Պապը հայտարարել է, որ 20-րդ դարի առաջին ցեղասպանությունն իրականացվել է հայերի հանդեպ։

Թուրքիայի ԱԳ նախարարը վարչապետը եւ այլ պաշտոնյաներ խիստ արձագանքեցին Հռոմի Պապի հայտարարությանը, սակայն Հռոմի Պապը հետ քայլ չի արել, ավելին հաջորդ օրը կրկնել է, որ եկեղեցու ճանապարհն անցնում է անկեղծության միջով եւ քրիստոնյան պետք է խիզախ եւ առանց վախի խոսելու ազատություն ունենա։