Թուրքիան հանդես է գալիս պատմաբանների հանձնաժողով ստեղծելու օգտին եւ անսահմանափակ մուտք է առաջարկում օսմանյան արխիվներ: Բայց այնտեղից, որոշ պատմաբանների կարծիքով, ժամանակին մաքրել են փաստաթղթերը, որոնք առանցքային կլինեին՝ հասկանալու համար, թե ինչ է տեղի ունեցել: Այս մասին գրում է իսպանական «El Mundo» պարբերականը:
«Կրքերը երբեք այնքան բորբոքված չեն եղել, որքան հիմա՝ 100-րդ տարելիցին: Եվրամիությունն օգտվեց առիթից, որպեսզի Թուրքիայի եւ Հայաստանի նախագահներին կոչ անի դիվանագիտական հարաբերություններ հաստատել: ՄԱԿ-ի գլխավոր քարտուղար Բան Կի Մունը երկուշաբթի Օսմանյան կայսրությունում հայերի կոտորածները դաժան հանցագորրծություն անվանեց: Գիտակցելով հակասության հնարավորությունը՝ նա խուսափեց «Ց» տառով բառն օգտագործել: Առայժմ չեն հայտնաբերվել փաստաթղթեր, որոնք կհաստատեին քրիստոնյաների՝ հայերի, հույների եւ ասորիների զանգվածային սպանությունների քաղաքական ծրագիրը: Սակայն գոյություն ունեն դիվանագետների զեկույցներ, որտեղ հիշատակվում են երիտթուրքերի կողմից կազմակերպված մահվան երթերի ժամանակ քաղցից, ծարավից եւ հիվանդություններից զանգվածային կոտորածների մասին»,- գրել է պարբերականը:
