Ապրիլի 14-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցել է Ա.Գերցենի անվան Ռուսաստանի պետական մանկավարժական համալսարանի եւ Խաչատուր Աբովյանի անվան Հայկական պետական մանկավարժական համալսարանի միջեւ համագործակցության համաձայնագրի ստորագրմանը:
ԱԳՆ մամուլի ծառայությունից հայտնում են, որ միջոցառմանը ներկա էին եւ ելույթներով հանդես եկան Սանկտ-Պետերբուրգում ՀՀ գլխավոր հյուպատոս Հրայր Կարապետյանը, Ա.Գերցենի անվան ՌՊՄՀ ռեկտոր Վալերի Սոլոմինը, Ա.Գերցենի անվան ՌՊՄՀ նախագահ Գենադի Բորդովսկին, Խ.Աբովյանի անվան ՀՊՄՀ ռեկտոր Ռուբեն Միրզախանյանը, Սանկտ-Պետերբուրգի կառավարության գիտության եւ բարձրագույն դպրոցի կոմիտեյի առաջին տեղակալ Իրինա Գանուսը, Սանկտ-Պետերբուրգի կառավարության արտաքին կապերի կոմիտեի նախագահի տեղակալ Սերգեյ Մարկովը, Ա.Գերցենի անվան ՌՊՄՀ միջազգային գծով ռեկտորի տեղակալ Դմիտրի Բոյկովը:
Ստորագրման արարողությունից հետո կայացավ համերգ` համալսարանի արվեստի գործիչների մասնակցությամբ: