Կալինինգրադի կենդանաբանական այգում մահացել է սեւաթեփուկ շնաձուկը, որին մի ժամանակ այգու աշխատակիցները պաշտպանում էին այցելուներից։ Կենդանին մահացել է սրտի հիվանդության պատճառով, գրում է «Ինտերֆաքս»-ը։
«Շնաձկան այս տեսակը շատ քիչ է ապրում անազատության մեջ։ Նրանք շատ քմահաճ են։ Դիահերձումը ցույց տվեց, որ կենդանին սրտի միոկարդոզ ուներ։ Մասնագետները զարմացել էին, որ շնաձուկը 2 տարի ապրել է մեզ մոտ։ Նրան առանձնացնելու եւ այցելուներից հեռու պահելու որոշումը երկարաձգեց նրա կյանքը»,- ասել է կենդանաբանական այգու հասարակայնության հետ կապերի բաժնի ներկայացուցիչ Եկատերինա Միխայլովան։