ԱՄՆ-ը կոչ է անում ամբողջապես ու ազնվորեն ընդունել Առաջին համաշխարհային պատերազմի տարիներին հայերի զանգվածային սպանությունների փաստը, սակայն խուսափում է այդ ողբերգությունը «ցեղասպանություն» կոչել: Այս մասին գրում է բրազիլական «Correio Brasiliense» թերթը:
«Նախագահն ու նրա վարչակազմի բարձրաստիճան պաշտոնյաները բազմիցս խոստովանել են որպես պատմական փաստ եւ իրենց ցավն են հայտնել, որ Օսմանյան Կայսրության վերջին տարիներին 1,5 մլն հայեր տեղահանվել են ու սպանվել: Այդ փաստերի ազնիվ ու անկեղծ ճանաչումը ելնում է մեր ընդհանուր շահերից, այդ թվում Թուրքիայի, Հայաստանի ու Ամերիկայի, բայց Անկարան հրաժարվում է ճանաչել 1915-1917 թվականներին տեղի ունեցածը որպես ցեղասպանություն, այդ թվում ողբերգության 100-րդ տարելիցի նախաշեմին»,-նշում է թերթը: