Եվրախորհրդարանը ողջունեց Հռոմի Պապ Ֆրանցիսկոս Առաջինի արած հայտարարությունը եւ Թուրքիային կոչ արեց ճանաչել 1915թ. Օսմանյան Թուրքիայում կատարվածը Ցեղասպանությունը։ Դրանով իսկ Եվրախորհրդարանը կանգնում է Հռոմի Պապի թիկունքին՝ իր կողմից եւս հաստատելով ապրիլի 12-ին Վատիկանում մատուցած պատարագի ժամանակ նրա արած հայտարարությունը։ Այս մասին գրում է գերմանական Süddeutsche Zeitung պարբերականը։
Թուրքիայի նախագահ Ռեջեփ Թայիփ Էրդողանն արդեն հայտարարել է, որ Եվրախորհրդարանի հայտարարությունը ոչ մի նշանակություն չունի։ Թուրք նախագահն անգամ նիստից առաջ արդեն ասել էր, որ ինչ որոշում էլ խորհրդարանը կայացնի, դա իր մի ականջից մտնելու է, մյուսից դուրս գա։ «Երբեք եւ ոչ մի անգամ Թուրքիայի համար հնարավոր բան չի լինի դա ճանաչելը եւ այդ մեղքը իր վրա վերցնելը»,- ասել էր Էրդողանը Anadolu գործակալությանը։
Նշենք, որ ապրիլի 15-ի երեկոյան Բրյուսելում Եվրախորհրդարանը Հայոց ցեղասպանության մասին բանաձեւ էր ընդունել, որով Թուրքիային կոչ էր արել 1915թ. վայրագությունները ճանաչել որպես ցեղասպանություն, առերեսվել անցյալի հետ եւ ճանապարհ հարթել հայ եւ թուրք ժողովուրդների իրական հաշտեցման համար։
