Դանիայում Թուրքիայի դեսպանի բողոքին խիստ են արձագանքել Դանիայի քաղաքական գործիչները՝ կոչ անելով Թուրքիային՝ չխառնվել իրենց երկրում արվեստի եւ խոսքի ազատությանը։
Ինչպես տեղեկացնում է Ստամբուլի հայկական «Ակոս»-ը, Դանիայի «Ազգայնական» կուսակցության անդամ Կարլ Կրիստիան Էբբեսենը հայտարարել է, թե Թուրքիան այդ հարցում չի կարող Կոպենհագենի գործողություններին, խոսքի եւ արվեստի ազատությանը խառնվել։
Դանիացի գործչի հայտարարությանը միացել են նաեւ մյուս քաղաքական կուսակցությունների ներկայացուցիչները։
Նշենք, որ հայ քանդակագործ Ալեն Սայեղի կողմից պատրաստված Հայոց ցեղասպանությանը նվիրված հուշարձանը մայիսին 10 օր շարունակ ցուցադրվելու է Կոպենհագենի Կուլտուրտովի հրապարակում։
Այս փաստի կապակցությամբ Դանիայում Թուրքիայի դեսպանն իր բողոքն էր հայտնել դանիական իշխանություններին։
