Շվեյցարացի հայտնի ծաղրանկարիչ Պատրիկ Շապպատը, որի ծաղրանկարները հրապարակվում են «The International New York Times» եւ այլ հեղինակավոր պարբերականներում, ծաղրանկար է նկարել՝ նվիրված Օսմանյան կայսրությունում Հայոց ցեղասպանությանը։
Ծաղրանկարը թողարկվել է «Մեկ դար անց, սպանությունների շուրջ բանավեճերը շարունակվում են» վերտառությամբ։
Նկարում պատկերված են մարդիկ, որոնց քշում են գնացք՝ «հայեր» գրառմամբ, եւ թուրք վերակացուն։ «Մի մտահոգվեք, ցեղասպանություն բառը դեռ գոյություն չունի»,- ասում է վերակացուն։