Ալթայի երկրամասի հանգստավայրերում զբոսաշրջիկներին հնդկաձավարով մերսում կառաջարկեն: Այս մասին հաղորդվում է Ալթայի երկրամասի պաշտոնական կայքում: Գործողության շնորհանդեսը կկայանա Visit Altai տուրիստական միջազգային ֆորումի ժամանակ, որն անցկացվելու է ապրիլի 24-ից մայիսի 2-ը:
Միջոցառման մասնակիցները SPA-մերսումը կարող են փորձել ապրիլի 30-ին: Նշվում է, որ մերսման այս ձեւն օգնում է մեջքի, մկանների եւ հոդերում ցավերի դեպքում: Այն նաեւ ցելյուլիտի բուժման եւ կանխարգելման հրաշալի միջոց է համարվում:
Ըստ Lenta-ի, մերսման նոր ձեւը նախատեսված չէ զանգվածային կիրառման համար, այդ պատճառով դրանից կարելի է օգտվել միայն նախապես գրանցվելու դեպքում: