Ռուս քաղաքական գործիչ Բորիս Նեմցովի սպանության գործով մեղադրյալ Զաուր Դադաեւը լեզվաբանական փորձաքննության հույս ունի։ Այս մասին գրում է «Իզվեստիա»-ն՝ վկայակոչելով մեղադրյալի փաստաբանին։
Փաստաբանի խոսքով՝ ինքն արդեն միջնորդագիր է ներկայացրել Դադաեւին լրացուցիչ հարցաքննելու համար։ Բացի այդ, պաշտպանող կողմը խնդրել է հատուկ փորձաքննություն, այդ թվում՝ լեզվաբանական փորձաքննություն անցկացնել։ «Արձանագրության տեքստը անհեթեթ է։ Դա Չեչնիայում ապրող եւ ամբողջ օրը անտառներում հատուկ գործողություններ իրականացնող մարդու խոսք չէ։ Մենք ուզում ենք ապացուցել, որ դրանք Դադաեւի բառերը չեն» ,- ասել է փաստաբանը։