85 տարեկան հասակում երեկ՝ ապրիլի 16-ին, վախճանվել է լեգենդար ֆուտբոլիստ Հարություն Լեւոնի Քեհեյանը: Նախնական տեղեկություններով՝ մահվան պատճառը սրտի կաթվածն է:
Նշենք, որ նրա 85-ամյակը լրացել էր ապրիլի 9-ին: Ֆուտբոլային կարիերան Քեհեյանն անցկացրել է Երեւանի «Դինամոյում» ու «Սպարտակում»: Իր ավանդն է ունեցել «Արարատ-73»-ի լեգենդար հաղթանակում` լինելով գլխավոր մարզիչ Նիկիտա Սիմոնյանի օգնականը:
Հարություն Քեհեյանը եղել է «Հրազդան» կենտրոնական մարզադաշտի երկարամյա անփոփոխ տնօրենը: նա Երեւանի պատվավոր քաղաքացի էր:
Առայժմ հայտնի չէ՝ երբ կլինի հոգեհանգիստը եւ հուղարկավորությունը:
