«ՋԻԷՆՍԻ-ԱԼՖԱ» ՓԲԸ-ն, հանդիսանալով հայաստանյան առաջատար օպերատորներից մեկը եւ ռուսաստանյան խոշորագույն «Ռոստելեկոմ» խմբի անդամ, ակտիվ աջակցություն է ցուցաբերում 1915-1923թթ. ընթացքում Հայոց ցեղասպանության 100-րդ տարելիցի մասին տեղեկատվության տարածման միջոցառումներին ոչ միայն երկրի տարածքում, այլ Հայաստանի սահմաններից դուրս։
Ընկերության մամուլի ծառայությունից հայտնում են, որ մասնավորապես, մարտի 25-ից «Ռոստելեկոմի» գլխամասի ներքին ցանցում, որին մուտք ունեն ավելի քան 200,000 աշխատակիցներ ողջ ՌԴ տարածքից, տեղադրվել է տեղեկատվական բաններ եւ Հայոց Ցեղասպանության մասին պատմող նյութ։
Ներքին կայքը (պորտալը) կորպորատիվ տեղեկատվության, նորությունների, միջոցառումների մասին պատմող հարթակ է, ուր ընկերության աշխատակիցներն այցելում են ամեն օր։
Այստեղ տեղադրված նյութը մանրամասներ է ներկայացնում Հայոց ցեղասպանության, 100-ամյա տարելիցի եւ միջոցառումների, ՌԴ կողմից Հայոց ցեղասպանության ճանաչման, Ծիծեռնակաբերդի հուշակոթողի, տեղեկատվական կայքերի եւ հաշթեգերի մասին։
«ՋԻԷՆՍԻ-ԱԼՖԱ» ՓԲԸ-նմեծապես կարեւորում է Հայաստանի սահմաններից դուրս մարդկանց իրազեկումը Հայոց ցեղասպանության մասին եւ շարունակելու է աշխատանքներն այս ուղղությամբ։
