Ճապոնական All Nippon Airways ընկերությունը «Աստղային պատերազմներից» R2-D2 ռոբոտի գույներով ինքնաթիռ է ներկայացրել: Ըստ The Daily Mail-ի, R2-D2-ը հանդիսատեսի կողմից ամենասիրված կերպարներից է:
Boeing 787 Dreamliner-ը ոչ միայն հայտնի ռոբոտի գույներն է ստացել. օդանավում նաեւ «Star Wars» գրությունն է հայտնվել: Ավիաընկերությունում տեղեկացրել են, որ թեմատիկ ինքնաթիռը կսկսի միջազգային չվերթներ իրականացնել աշնանը:
Gazeta-ի փոխանցմամբ, օդանավի մասին լուրը տարածվել է «Աստղային պատերազմների» նոր թիզերի թողարկման հետ միաժամանակ:
Ֆիլմի պրեմիերան կայանալու է 2015 թվականի դեկտեմբերի 18-ին: «Աստղային պատերազմների» հերթական մասը նկարահանելու է ռեժիսոր Ջեյ Ջեյ Աբրամսը, Pinewood կինոստուդիայում:
