Ապրիլի 20-ին ժամը 16:00-ին մայրաքաղաքի Գլխավոր պողոտայի Նալբանդյան-Հանրապետության փողոցների միջնամասի այգում տեղի կունենա «Մշակութային եղեռն - խաչքարերի խուրհուրդը» բացօթյա ցուցահանդեսի բացումը:
Քաղաքապետարանից հայտնում են, որ ցուցահանդեսի շրջանակում նախատեսվում է ներկայացնել կորուսյալ, ոչնչացված 12 խաչքարերի կրկնօրինակները, որոնք վերարտադրել է ժամանակից խաչքարագործ Արտակ Համբարձումյանի կողմից՝ հենվելով խաչքարագործ հայ վարպետների դարավոր ավանդույթների վրա:
Արեւմտյան Հայաստանի հուշարձանների ճակատագրին արժանացան նաեւ Հին Ջուղայի խաչքարադաշտի ավելի քան 4500 խաչքարերը: Դրանք հիմնահատակ ոչնչացվեցին 2005 թ-ին՝ ադրբեջանական բանակի կողմից:
Ցուցահանդեսի շրջանակում, խոսուն լուսանկարներով, կներկայացվեն նաեւ Հայոց վանքերի ու բերդերի նախկին եւ ներկա տեսքերի մի քանի պատառիկ:
