Ուկրաինայի արդարադատության նախարարությունում քննարկում են մասնավոր բանտեր ստեղծելու հնարավորությունը։ Այս մասին հայտարարել է արդարադատության փոխնախարար Գիա Գեցաձեն, տեղեկացնում է ՈւՆԻԱՆ-ը։
«Հնարավոր է, որ մենք փորձարկենք եւ մասնավոր բանտերի համակարգ ունենանք։ Օրինակ՝ Բրիտանիայում կան մասնավոր եւ պետական բանտեր։ Մասնավոր բանտում բանտարկյալին պահելն ավելի էժան է, քան պետականում, այնպես որ մենք կարող ենք փորձել»,- ասել է նա։
Նրա խոսքով՝ այս հարցը կարող է դրվել կառավարության քննարկմանը։