Սադամ Հուսեյնի մերձավոր համախոհ, երկրի նախկին փոխնախագահ Իզաթ Իբրահիմ Ադ Դուրին սպանվել է Իրաքում։ Այս մասին հաղորդում է SkyNews Arabiya-ն՝ վկայակոչելով Սալահ ադ Դին նահանգի ղեկավարին։
Նրա տեղեկություններով՝ նախկին փոխնախագահը զոհվել է Համրին շրջանում շիա աշխարհազորայինների աջակցությամբ Իրաքի բանակի կողմից իրականացված գործողությունների հետեւանքով։ Այլ մանրամասներ չեն հաղորդվում։
Նախկինում նրա սպանության կամ ձերբակալության մասին սենսացիոն տեղեկություններ հաղորդվում էին, սակայն դրանք բոլորը հետագայում հերքվում էին, գրում է ՏԱՍՍ-ը։
Իրաքում Սադամ Հուսեյնի ռեժիմի տապալումից հետո Ադ Դուրին անհետացել էր։ ԱՄՆ-ն նրան ընդգրկել էր Իրաքի ամենահետախուզվող նախկին ղեկավարների ցուցակում։ Նրա գլխի համար 10 մլն դոլար էին խոստանում։