Յունիբանկի «Թամանյան» մասնաճյուղն առանձնանում է տեղեկատվական տեխնոլոգիաների հագեցվածությամբ: Հաճախորդների հարմարավետ սպասարկումն ապահովելու համար մասնաճյուղում տեղադրված են երկու բանկոմատներ եւ երեք վճարային տերմինալներ, որոնք աշխատում են շուրջօրյա: Տերմինալների միջոցով հաճախորդները կարող են կատարել բանկային հաշվի համալրում եւ վարկի մարում ինքնուրույն: Տերմինալի պարզ եւ մատչելի շահագործման շնորհիվ վճարումը կատարվում է հաշված րոպեների ընթացքում: Հաճախորդը պարզապես պետք է ընտրի իրեն անհրաժեշտ գործարքը եւ հետեւի տերմինալի էկրանին առաջարկվող քայլերի հերթականությանը:
Հիշեցնենք, որ բանկի «Թամանյան» մասնաճյուղը վերջերս տեղափոխվել էր նոր, ավելի ընդարձակ եւ հարմարավետ տարածք: Մասնաճյուղի հասցեն է` ք.Երեւան, Այգեստան 3, շ. 8/12, N5:
Մասնաճյուղն իրականացնում է ֆիզիկական եւ իրավաբանական անձանց համալիր բանկային սպասարկում, այդ թվում` ավանդների ընդունում, սպառողական եւ բիզնես վարկավորում, բանկային քարտերի տրամադրում եւ սպասարկում, UNISTREAM եւ IntelExpress դրամական փոխանցումների իրականացում եւ կոմունալ վճարումների ընդունում: Մասնաճյուղն աշխատում է մեկ պատուհանի սկզբունքով` ապահովելով հաճախորդների սպասարկման արագությունը: Այսինքն ավանդի, վարկի, բանկային քարտի ձեւակերպման, դրամական փոխանցման իրականացմամն կամ այլ գործարք կատարելու համար պետք է դիմել բանկի ընդամենը մեկ աշխատակցի:
