ԱՄՆ Ֆրեզնո քաղաքում գազատարի պայթյունի հետեւանքով վիրավորվել է 15 մարդ, որոնցից 4-ը գտնվում են ծայրահեղ ծանր վիճակում։ Տուժածները հոսպիտալացվել են։
Իշխանությունների տեղեկություններով՝ հզոր պայթյունը կաթվածահար է արել 99 մայրուղու երթեւեկությունը։ Այս պահին մայրուղու այն հատվածը, որտեղ որոտացել է պայթյունը, փակ է։
Ֆրեզնո շրջանի շերիֆը հայտարարել է, որ գազատարի այդ տեղամասում վերանորոգումներ էին տարվում, որի հետեւանքով վնասվել էր գազատարը, փոխանցում է «ՌԻԱ Նովոստի»-ն։