Կիեւում ապրիլի 16-ին սպանված ոՈւկրաինացի գրող եւ լրագրող Օլեսյա Բուզինի վրա, ամենայն հավանականությամբ, կրակել են «Նագան» տեսակի ատրճանակից։ Այս մասին Facebook-ի իր էջում գրել է հեռուստալրագրող Արտեմ Շեվչենկոն՝ վկայակոչելով դատաբժշկափորձագետների շրջանում իր աղբյուրը։
«Գնդակների տրամաչափը 7,62 մմ է, սակայն պարկուճները չկան։ Նրանք կամ «Նագան»-ի թմբուկում են, կամ նույն տրամաչափի մեկ այլ ատրճանակի հատուկ պարկուճների համար նախատեսված սարքում, որը կրակողն իր հետ տարել է»,-ասել է Շեւչենկոն։
Միաժամանակ, կրակոցները եղել է քաոտիկ, ոչ թե հստակ թիրախավորված։ Պարզվել է, որ կրակոցներից միայն վերջին 5-ն են դիպել գլխին եւ եղել մահացու, հաղորդում է Lenta-ն։
Շեվչենկոն նաեւ հայտնել է, որ վկաներից մեկը՝ մեքենայի վարորդը, նստած է եղել մեքենայում դեպքի վայրին դեմ դիմաց, եւ հեռուստացույց դիտելիս է եղել։ Նա ամեն բան տեսել է։
«Ձեռագիրը ակնհայտորեն պրոֆեսիոնալ մարդասպանի չի եղել, կամ էլ դիտավորյալ է այդպես արվել»,-ամփոփել է լրագրողը։
Բուզինն սպանվել է ապրիլի 16-ին, իր տան մոտ։ Որպես հիմնական վարկած քննվում է սպանվածի մասնագիտական գործունեությունը։