Իրանի միջուկային ծրագրի վերաբերյալ համաձայնության գալու դեպքում Իրանը թույլ չի տալ օտարերկրյա տեսուչներին այցելել երկրի ռազմական օբյեկտներ։ Այս մասին Իրանի հեռուստատեսության եթերում, այսօր՝ ապրիլի 19-ին, հայտարարել է Իրանական հեղափոխության պահապանների կորպուսի ներկայացուցիչ Հոսեյն Սալամին, հաղորդում է Associated Press-ը։
«Իրանի ռազմական օբյեկտներում օատրեկրացիների տեսչություններ իրականացնելու թույլտովությունը դավաճանությանը հավասար բան կլիներ»,-ասել է Սալամին։
Ավելի վաղ, ապրիլի 15-ին հայտնի է դարձել, որ ԱՄՆ նախագահ Բարաք Օբաման զիջումների է գնացել Կոնգրեսին՝ Իրանի դեմ պատժամիջոցների հարցում։ Նա համաձայնել է ստորագրել հանրապետականների առաջարկած օրինագիծը, որով ամերիկացի օրենսդիրներն իրավունք ունեն արգելափակել Իրանի հետ ցանկացած համաձայնություն։