Նիգերիայի Բենուա նահանգում միջէթնիկ բախումների հետեւանքով առնվազն 45 մարդ է զոհվել։ Ոստիկանության տվյալներով, օլիգբա եւ էգբա էթնիկ խմբերի միջեւ բախումներն սկսվել են արհեստական լճակի շուրջ ծագած վեճի պատճառով։
Այնուհետեւ էլի մի քանի մարդ զոհվել է նախորդ բռնության ալիքի զոհերի թաղման ժամանակ տեղի ունեցած հարձակման հետեւանքով։
Տեղի բնակիչներից շատերը փախել են իրենց տներից, հաղորդում է BBC-ի ռուսական ծառայությունը։
Բենուայում միջէթնիկ բախումներ նախկինում եւս տեղի են ունեցել։