Իրանի հոգեւոր առաջնորդ այաթոլլա Ալի Խամենեին առասպել է անվանել երկրում միջուկային զենքի մշակման մասին լուրերը: Այս մասին հաղորդում է Reuters-ը՝ վկայակոչելով իրանական պետական Fars գործակալությանը:
«Նրանք առասպել են հորինել միջուկային զենքի մասին, որպեսզի հայտարարեն, որ Իսլամական պետությունը սպառնալիքի աղբյուր է: Ո՛չ, սպառնալիքի աղբյուրն Ամերիկան ինքն է»,- հայտարարել է հոգեւոր առաջնորդը:
Ըստ Gazeta-ի, այաթոլլան նաեւ հայտարարել է, որ Իրանը պատրաստ է հետ մղել ցանկացած արտաքին սպառնալիք: