Իսլամիստական «Աշ-Շաբաբ» խմբավորման զինյալները կիրակի հարձակվել են Սոմալիում Աֆրիկյան միության խաղաղարար ուժերի վրա: Տեղեկություններ կան զոհերի եւ տուժածների մասին:
Երկրի հարավային Լիգո քաղաքի մերձակայքում մարտերի ընթացքում երեք խաղաղարար է վիրավորվել, այրվել է երկու տրանսպորտային միջոց: Այս մասին Reuters-ին հաղորդել է խաղաղարարների ներկայացուցիչը:
Միաժամանակ, իսլամական կայքերից մեկում «Աշ-Շաբաբ»-ի ներկայացուցիչները գրել են, որ 5 զինծառայող են սպանել եւ Աֆրիկյան միության տարբերանշանով երկու մեքենա ոչնչացրել:
ՌԻԱ Նովոստիի փոխանցմամբ, Սոմալիում տեղակայված «Աշ-Շաբաբը» սերտ կապեր ունի «Ալ-Քաիդա» միջազգային ահաբեկչական խմբավորման հետ: Այն զինված պայքար է մղում երկրի կենտրոնական իշխանությունների դեմ եւ խոչընդոտում է ՄԱԿ-ի մարդասիրական գործունեությանը:
