Բրազիլիայի մշակույթի նախարարությունը որոշել է դատական հայց ներկայացնել Facebook-ի: O Globo պարբերականի փոխանցմամբ, պատճառն այն է, որ սոցիալական ցանցը որոշել է արգելափակել մերկ կրծքով հնդկացի կնոջ՝ 1909 թվականին արված լուսանկարը:
Պոնտենցիալ հայցվորների կարծիքով, Facebook-ը գրաքննություն է իրականացնում համացանցում եւ խախտում աշխարհի պետությունների՝ ազգային ինքնորոշման իրավունքը: Բացի այդ, սոցցանցի գործողությունները հակասում են Բրազիլիայի Սահմանադրությանն ու համաշխարհային մշակութային ժառանգության պահպանության ՅՈՒՆԵՍԿՕ-ի Կոնվենցիան:
Ըստ Lenta-ի, այմորես ցեղի ներկայացուցիչ զույգի լուսանկարը բրազիլական Մշակույթի նախարարությունը սոցցանցում տեղադրել է ապրիլի 15-ին, Brasiliana Fotográfica լուսանկարչական կայքի բացման մասին հրապարակմանը կից: Հաջորդ օրը Facebook-ը հեռացրել է լուսանկարը, իսկ ավելի ուշ հրաժարվել վերականգնել այն՝ վկայակոչելով սոցցանցի ներքին կանոնները:
