Այսօր՝ ապրիլի 19-ին, մահվան ելքով վրաերթ է տեղի ունեցել Երեւանում: Ժամը 20:40-ի սահմաններում Սեւան քաղաքի բնակիչ 31-ամյա Հովիկ Վարդանյանը Mitsubishi մակնիշի ավտոմեքենանով Աճառյան փողոցում՝ «Դրախտ» ռեստորանային համալիրի դիմաց վրաերթի է ենթարկել փողոցը չթույլատրված հատվածով անցնող 65-ից 70 տարեկան կնոջ: Այս մասին տեղեկանում ենք shamshyan.com կայքից:
Վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինը մահացել է: Օպերատիվորեն դեպքի վայր են ժամանել ճանապարհային ոստիկանության եւ Տարածքային կառավարման եւ արտակարգ իրավիճակների նախարարության փրկարար ծառայության աշխատակիցները:
Ոստիկանությունն ու քննչական բաժինը պարզում են մահացածի ինքնությունը:
