Ղազախստանի հարավային Ժամբիլի շրջանում տեղի ունեցած ավոտվթարի հետեւանքով զոհվել է 15 մարդ, որոնցից 14-ը եղել են Ղրղզստանի քաղաքացիներ, մեկը՝ Ղազախստանի: Եվս 5 մարդ տեղափոխվել է հիվանդանոց, հաղորդում է Ղրղզստանի ԱԻՆ կայքը:
Վթարը տեղի է ունեցել ապրիլի 19-ի առավոտյան, Ալմաթի-Եկատերինբուրգ ավտոճանապարհի վրա:
«ԳԱԶԵԼ-2705» բեռնատարը բախվել է «Մերսեդես Բենց Սփրինթեր» միկրոավտոբուսին, որում եղել է 19 մարդ: Բախման հետեւանքով մեքենաները բռնկվել են: Հրդեհի վայրում հայտնաբերվել է 14 այրված մարմին` «ԳԱԶԵԼ»-ի վարորդն ու 13 ուղեւորները, այդ թվում 3 երեխաներ, հաղորդում է «ՌԻԱ Նովոստին»: Միկրոավտոբուսի եւս մեկ ուղեւոր մահացել է հիվանդանոցում: