Բալթիմորի սեւամորթ բնակիչ Ֆրեդի Գրեյը, որը վզի լուրջ վնասվածք էր ստացել ձերբակալման պահին, կիրակի հիվանդանոցում մահացել է։
Ավելի վաղ ընտանիքի փաստաբանը հայտարարել էր, որ տուժածի ողնաշարը գրեթե կոտրված է եղել։ Փաստաբանի խոսքով՝ վզի շրջանում ողերը 80 տոկոսով կոտրված են եղել։
Քաղաքի իշխանությունները խոստացել են հետաքննել կատարվածը։ Ոստիկանությունը չի հայտնում, թե Գրեյին ինչ մեղադրանքներ են ներկայացված եղել, գրում է BBC-ի Ռուսական ծառայությունը։
Ապրիլի 12-ին 25-ամյա Գրեյը, փախչելով ոստիկանների հետապնդումից, վայր էր ընկել, որից հետո նրան ձերբակալող ոստիկանները որոշ ժամանակ պահել էին նրան այդ դիրքում եւ տեղափոխել ոստիկանական տեղամաս։ Այնտեղ բժիշկները ողերի կոտրվածքներ էին ախտորոշել։ Տղամարդը կոմայի մեջ էր ընկել եւ կլինիկական մահ տարել։ Վերակենդանացումից հետո նա կոմայից դուրս չէր եկել։