Ապրիլի 24-ին ՌԴ նախագահ Վլադիմիր Պուտինը, Հայաստանի նախագահ Սերժ Սարգսյանի հրավերով, կայցելի Երեւան, հաղորդում է Կրեմլի մամուլի ծառայությունը:
ՌԴ նախագահը Երեւանում կմասնակցի Օսմանյան կայսրության կողմից իրականացված Հայոց ցեղասպանության 100-ամյա տարելիցի ոգեկոչման միջոցառումներին:
Ըստ այդմ, այցի շրջանակներում տեղի կունենա Հայաստանի ու Ռուսաստանի նախագահների հանդիպումը, որի ժամանակ նախատեսվում է քննարկել երկկողմ օրակարգի հարցեր, ինտեգրացիոն միավորումներում փոխգործակցությունը, ինչպես նաև տարածաշրջանային ու միջազգային այժմեական թեմաներ:
Ավելի վաղ հաղորդվել էր, որ Պուտինն ապրիլի 24-ին Երեւանում հանդիպելու է Ֆրանսիայի նախագահ Ֆրանսուա Օլանդի հետ: