Այս օրերին Հայաստանում է Իրաքի եզդիների ցեղասպանության հարցում իր մեղավորությունն ունեցող Շեխ Շամոն: Այս մասին հայտարարություն են տարածել եզդիական մի շարք հասարակական կազմակերպություններ:
Հայտարարություն նաեւ ասվում է.
«Ցավոք սրտի, Հայաստանում գտնվել են եզդիներ, ովքեր ընդունել են նրան եւ անգամ հրավիրել են ապրիլի 21-ին մասնակցել Օսմանյան Թուրքիայի եզդիների ցեղասպանությանը նվիրված հուշակոթողի բացմանը: Այդ հուշակոթողն ինքնին արժեքավոր է եզդիների համար, սակայն դրա բացմանը Շեխ Շամոյի մասնակցությունը այլ որակներ է հաղորդում այդ կարեւոր միջոցառմանը:
Մենք՝ հայաստանաբնակ եզդիների շահերը ներկայացնող բոլոր հասարակական կազմակերպություններս, դատապարտում ենք այդ միջոցառումներին Շեխ Շամոյի մասնակցությունը եւ հայտարարում ենք, որ Իրաքի եզդիների ցեղասպանության մեջ իր մեղավորությունն ունեցող մարդը չի կարող կարեկից լինել եզդիներին, մարդ ով դեմ է Շանգալի ինքնավարությանը եւ եզդիական դրոշին, նա իրավունք չունի հանդես գալ եզդիների անունից:
Այն մարդը, ում չեն ընդունում եւ ոչ մի եզդիական համայնքում, Հայաստանում իրավունք չունի խոսել եզդիների անունից: Կոչ ենք անում պետական մարմիններին չընդունել այս ինքնակոչին:
«Եզդիների ազգային միություն» հասարակական կազմակերպություն
«Սինջար եզդիների ազգային միավորում»
«Շամս» Հասարակական կազմակերպություն
«Եզդիների ազգային կոմիտե» հասարակական կազմակերպություն
