Եվրոպայի խորհրդի խորհրդարանական վեհաժողովը (ԵԽԽՎ) գարնանային նստաշրջանի ընթացքում ապրիլի 20-24-ը քննարկելու է Ուկրաինայում տիրող իրավիճակը։ Ինչպես տեղեկանում ենք ԱԺ-ի մամլո ծառայությունից, ապրիլի 19-25-ը ԵԽԽՎ նստաշրջանի աշխատանքներին մասնակցելու նպատակով Ստրասբուրգ են գործուղվել ԵԽԽՎ-ում ՀՀ ԱԺ պատվիրակության ղեկավար, ՀՀ ԱԺ նախագահի տեղակալ Հերմինե Նաղդալյանը, ԵԽԽՎ-ում ՀՀ ԱԺ պատվիրակության անդամներ Արփինե Հովհաննիսյանը, Նաիրա Զոհրաբյանը, Արմեն Ռուստամյանը, Վահան Բաբայանը, իսկ Լեւոն Զուրաբյանը եւ Մհեր Շահգելդյանը։
Ապրիլի 21-ին նիստերի դահլիճում ելույթ կունենա Բելգիայի թագավոր Ֆիլիպը եւ Եվրոպայի խորհրդի գլխավոր քարտուղար Տուրբերն Յագլանդը։
Ապրիլի 22-ին ԵԽԽՎ-ն կվերանայի ՌԴ պաշտոնական պատվիրակության դեմ ընդունված պատժամիջոցները։ Բացի այդ վեհաժողովը կքննարկի «Իսլամական պետություն» ահաբեկչական խմբավորման գործողությունների հետեւանքներն եւ Եվրոպայում տրանսգենդերների խտրականության վերաբերյալ հարցերը։
Առանցքային թեմաներից մեկը կլինի եվրոպացիների նկատմամբ ԿՀՎ իրականացրած զանգվածային գաղտնալսումները։
