Մայիսի սկզբին Ֆրանսիայի դեսպանատունը կներկայացնի Հայոց ցեղասպանության վիրտուալ թանգարանը, որտեղ բազմաթիվ արխիվային նյութեր կան։ Վիրտուալ թանգարաններում կլինեն Հայոց ցեղասպանությանը նվիրված սրահներ։ Այս մասին ապրիլի 20-ին Ալեքսանդր Սպենդիարյանի անվան ազգային ակադեմիական թատրոնում հայտարարել է Հայաստանում Ֆրանսիայի դեսպանատան՝ մշակութային հարցերով խորհրդական Ժան Միշել Գասպարյանը։
Դիվանագետի խոսքով՝ այս նախագիծը կյանքի է կոչվել Հայաստանի պետական արխիվի եւ Ֆրանսիայի ԱԳՆ արխիվի միջեւ համագործակցության շնորհիվ։ «Վիրտուալ թանգարանում ներկայացված են լինելու Սեւրի պայմանագրի կնքման ժամանակ Հայաստանի պատվիրակության մոտ եղած բոլոր փաստաթղթերը»,- ընդգծել է Ժան Միշել Գասպարյանը՝ հավելելով, որ Ֆրանսիայում, Ցեղասպանության 100-ամյակի միջոցառումները ընթանալու են 3 ուղղություններով՝ հիշողություն, ստեղծագործունեություն եւ ապագա, կրթություն ու երիտասարդություն
