Եվրոպայում ՆԱՏՕ-ի հակահրթիռային պաշտպանության համակարգերը ուղղված չեն Ռուսաստանի դեմ։ Դաշինքը Մոսկվայի հետ առճակատումներ չի փնտրում։ Այս մասին երկուշաբթի հայտարարել է ՆԱՏՕ-ի գլխավոր քարտուղար Յենս Սթոլթենբերգը։

Ավելի վաղ դաշինքի պաշտոնական ներկայացուցիչ Օանա Լունգենսկուն հայտարարել էր, որ բալիստիկ հրթիռների տարածման պատճառով ՆԱՏՕ-ի անդամ երկրների համար սպառնալիքներն աճում են, եւ Իրանի հետ շրջանակային համաձայնությունը չի փոխում այդ փաստը։ Ընդ որում, նա պարզաբանել է, որ ՀՀՊ եվրոպական համակարգը ուղղված չէ Ռուսաստանի դեմ, գրում է «ՌԻԱ Նովոստի»-ն։